सोमबार, बैशाख १७ २०८१
सोमबार, बैशाख १७ २०८१
मध्यान्तर
काठमाडौं । पाकिस्तानले देशभरका मदरसाहरुलाई शिक्षा मन्त्रालय मातहत ल्याउने र मूलधाराको शिक्षा प्रणाली लागू गर्ने भएको छ । मदरसाका विद्यार्थीहरुलाई समसामयिक विषय पढाउन अब नयाँ पाठ्यक्रम बनाइने छ र सबै सम्प्रदायलाई आदर गर्न सिकाउने नैतिक शिक्षा पनि पढाइने छ ।
रावलपिन्डीमा पत्रकारहरुसँग कुरा गर्दै पाकिस्तानी सेनाका प्रवक्ता मेजर जनरल आसिफ गफूरले मदरसालाई नियन्त्रणमा लिन र मुलधारमा ल्याउन बिभिन्न कदम उठाइने छ । उनले सबै मदरसालाई शिक्षा मन्त्रालयअन्तर्गत ल्याइने जानकारी पनि दिए ।
पाकिस्तानमा धार्मिक मदरसाको संख्या बढिरहेको छ । सन् १९४७ मा २४६ मदरसा रहेकामा हाल ३० हजारभन्दा बढी मदरसा छन् । पाकिस्तानका मदरसाहरुले धार्मिक शिक्षाको आडमा आतंकवादलाई प्रश्रय दिएको आरोप लाग्ने गरेको छ ।
लश्कर ए तोएबा र अलकायदालाई बम बनाउने र आत्मघाती आक्रमणको प्रशिक्षण दिएको आरोपमा पाकिस्तानको पेशावरस्थित एक मदरसालाई अमेरिकाले आतंकवादी संगठन घोषणा गर्दै प्रतिबन्ध लगाएको छ ।
