बुधबार, जेष्ठ २ २०८१
बुधबार, जेष्ठ २ २०८१
मध्यान्तर
काठमाडौँ । नेकपा एमालेका अध्यक्षसमेत रहेका प्रधानमन्त्री केपी शर्मा ओलीले जनताको जनादेश आफ्नो पक्षमा भए पनि अदालतको परमादेश शेरबहादुर देउवाका पक्षमा गएको बताएका छन्। जनताको जनादेश त मेरो पक्षमा थियो तर परमादेश शेरबहादुरजीको पक्षमा भयो,’ ओलीले आज देशबासीका नाममा सम्बोधन गर्दै भने।
सर्वोच्चको परमादेशकै कारण आफूले सरकारबाट बाहिरिन लागेको उनले बताएका छन् । सरकारबाट बाहिरिँदा रत्तिभर चिन्ता नभएको ओलीको दाबी थियो।
सिंहदरबार छाड्नु अगाडि आज देशवासीका नाममा सम्बोधन गर्दै ओलीले सर्वोच्चको फैसला मान्ने पनि बताए। आफ्नो नेतृत्वमा विकास, परिवर्तन र रूपान्तरण तथा जनताले राहत महसुस गरेको पनि ओलीको भनाइ छ।
कोरोनाविरूद्ध जनतालाई खोप दिइएको उनले बताए। एक करोड ३१ लाख खोपको मात्रा सुनिश्चित भइसकेको ओलीको भनाइ थियो।
