काठमाडौँ । नेकपा एमालेको आजको तेस्रो दिनको केन्द्रीय समिति बैठकअघि स्थायी कमिटी बैठक बसिरहेको छ ।
स्थायी कमिटीमा समूहगत छलफलबाट आएको सुझावले प्रवेश पाएको छ । भीम रावललगायतका नेताले उठाएको १० बुँदे कार्यान्वयनलगायतका विषय पनि स्थायी कमिटीको एजेण्डा छ ।
दुई दिनका लागि बोलाइएको केन्द्रीय समिति बैठक शनिबार नसकिएपछि एमालेले आज पनि निरन्तरता दिएको छ ।
शुक्रबारदेखि जारी बैठकको ती प्रस्तावमा छलफल गर्न बनाएको १० समूहको सुझावबारे पार्टी अध्यक्ष केपी शर्मा ओली र महासचिव ईश्वर पोखरेललगायतले जवाफ दिने छन् ।