काठमाडौँ । प्रतिनिधिसभाको बैठक मंगलबार पनि नेकपा एमालेका सांसदको अवरोधका कारण स्थगित भएको छ ।
बैठक सुरु भएदेखि नै एमाले सांसदहरुले नाराबाजी गरेका थिए । एमाले सांसदको नाराबाजीकै बीच नियमित कार्यसूचि पेश भयो । त्यसपछि सभामुखले बैठक स्थगित गरेका हुन् । अर्को बैठक बुधबार दिउँसो १ बजे बस्नेछ ।
नेकपा एमालेले लगातार संसदमा अवरोध गर्दै आएको छ । आफूबाट विभाजित भएर बनेको नेकपा (एकीकृत समाजवादी) पार्टी वैधानिक नरहेको भन्दै एमालेले संसद बैठकमा अवरोध गर्दै आएको हो ।