शनिबार, जेष्ठ ५ २०८१
शनिबार, जेष्ठ ५ २०८१
मध्यान्तर
काठमाडौं । सत्ता गठबन्धनमा आबद्ध दल राष्ट्रिय जनमोर्चाले अमेरिकी सहयोग परियोजना एमसीसी सम्झौताको विपक्षमा मतदान गर्ने भएको छ ।
राष्ट्रिय जनमोर्चाका उपाध्यक्ष समेत रहेकी सांसद दुर्गा पौडेलले आफू एमसीसीको विपक्षमा मतदान गर्ने निर्णयमा अडिग रहेको बताइन् ।
विपक्षमा मतदान गर्दा गठबन्धनबाट बाहिरिनु परे पनि तयार रहेको उनको भनाइ छ । पाँचदलीय गठबन्धनको बैठक भनिए पनि आज बिहान बालुवाटारमा बसेको बैठकमा जनमोर्चाका कोही पनि सहभागी थिएनन् ।
उक्त पार्टीले एमसीसी सम्झौता संसद्बाट अनुमोदन गर्न नहुने अडान राख्दै आएको छ । सत्ता गठबन्धनका शीर्ष नेताहरूको आइतबार बिहान बसेको बैठकले एमसीसी व्याख्यात्मक घोषणासहित प्रतिनिधिसभाबाट अनुमोदन गर्ने निर्णय गरेको छ ।
