बुधबार, बैशाख १२ २०८१
बुधबार, बैशाख १२ २०८१
मध्यान्तर
काठमाडौँ । सत्ता साझेदार दलको तर्फबाट सरकारमा सहभागी हुने दुई जना मन्त्रीको नाममा सहमति भएको छ ।
यसअगाडि भौतिक पूर्वाधार मन्त्रालय सम्हालेका नारायणकाजी श्रेष्ठलाई गृह मन्त्री बनाएर नेकपा एकीकृत समाजवादीका प्रकाश ज्वालालाई भौतिक पूर्वधार मन्त्री बनाउने सहमित गठबन्धनमा जुटेको हो ।
हाल १० दलीय सत्ता गठबन्धनको बैठक बालुवाटारमा बसिरहेको छ । सो बैठकमा मन्त्रालय र मन्त्रीहरूको नाम टुंगो लगाएर मिलेसम्म आजै उनीहरूलाई मन्त्री बनाउने सहमति भएको छ ।
प्रधानमन्त्री निकट स्रोतले भनेको छ– ‘प्रधानमन्त्री पनि ज्वालालाई भौतिक मन्त्री बनाएर गृहमा नारायणकाजीलाई नै पठाउन तयार हुनुभएको छ ।’
