काठमाडौं । गायक तथा गायन रियालिटी शो नेपाल आइडल सिजन २ का विजेता रवि ओड रिहा भएका छन्। वैवाहिक बलात्कार मुद्दामा प्रहरीको नियन्त्रणमा रहेका गायक ओड ५ लाख धरौटीमा रिहा भएका हुन्।
जिल्ला प्रहरी कार्यालय कञ्चनपुरका अनुसार जिल्ला अदालतको आदेशमा ओड धरौटीमा बिहीबार रिहा भएका हुन्।
गायक ओडविरुद्ध उनकी पत्नीले चैत २० गते वैवाहिक बलात्कार र अप्राकृतिक मैथुनको आरोप लगाउँदै प्रहरीमा जाहेरी दिएकी थिइन्। त्यतिबेला ओड बिदेशमा थिए ।
स्वदेश फर्किएपछि उनी यही वैशाख २७ गते कञ्चनपुरको झलारीस्थित इलाका प्रहरी कार्यालयमा आफैँ उपस्थित भएका थिए।