Online Nepal बिहिबार, असार ६ २०८१

भन्सार छलेको २५ ग्राम सुन र मोबाइलसहित दुईजना प्रकाउ

भन्सार छलेको २५ ग्राम सुन र मोबाइलसहित दुईजना प्रकाउ


मध्यान्तर
  • मंगलबार, जेष्ठ २९ २०८१

  • काठमाडौं । अवैध रूपमा भन्सार छलेर संलकन गरी लैजान लागेको करिब २५ ग्रामको सुनको एक थान सिक्रीसहित प्रहरीले २ जनालाई पक्राउ गरेको छ ।

    त्रिभुवन विमानस्थल सुरक्षा प्रहरीले उक्त सिक्रीसँगै आईफोन १३ प्रो म्याक्स १ थान, रेडमी मोबाइल ३ थान, डेल ल्यापटप २ थान र १ थान एयरपोड प्रो ४ सहित २ जनालाई सोमबार दिउँसो पक्राउ गरेको हो ।

    पक्राउ पर्नेमा पाँचथरको फालेजुङ गाउँपालिका(३ निवासी ३२ वर्षीय दिलु सुब्बा र सिन्धुलीको कमलामाई नगरपालिका-५ घर भई काठमाडौं महानगरपालिका-३२ बस्ने ३९ वर्षीय भविमान थोकर छन् ।

    हिमालयन एयरलाइन्सको जहाजमा दुबईबाट काठमाडौं आएका दिलुलाई भन्सार छली गर्न लगाई उक्त सामान ल्याउन लगाएको खुलेको छ ।

    उक्त सामान भविमानले संकलन गरी लैजान लागेको अवस्थामा त्रिभुवन विमानस्थलको अन्तर्राष्ट्रिय उडानतर्फको आगमन पार्किङ एरियाबाट पक्राउ गरेको हो ।

    उनीहरूलाई आवश्यक अनुसन्धान तथा काबारबाहीका लागि त्रिभुवन अन्तर्राष्ट्रिय विमानस्थल भन्सार कार्यालय गौचरमा बुझाइएको प्रहरीले जनाएको छ ।

    प्रतिक्रिया
    थप समाचार