काठमाडौं । सरकारले आन्तरिक हवाई उडानको तालिका हेरफेर गर्दै उडान संख्या बढाएको छ । असोज ५ गतेबाट सुरु गरेको आन्तरिक हवाई उडानलाई भोलि असोज १५ गतेबाट लागु हुनेगरी उडान संख्या बढाएको हो ।
नेपाल नागरिक उड्डयन प्राधिकरणका अनुसार असोज १५ गते बिहीबारबाट लागू हुने गरी आन्तरिक उडानको संख्या बढाइएको छ । अहिले बढाइएको संख्याले नपुगेमा अझै वृद्धि हुनसक्ने प्राधिकरणको भनाइ छ । उडान संख्या थपघट गर्ने अधिकार त्रिभुवन अन्तर्राष्ट्रिय विमानस्थल कार्यालयलाई समेत दिइएको छ प्रधिकरणले जनाएको छ ।
आन्तरिक उडान खुलेसँगै निरन्तर हवाई यात्रुको चाप बढिरहेको कारण यसअघि २५ प्रतिशतले उडान गर्दै आएकोमा अब ३५ देखि ४० प्रतिशत पुर्याउने गरी उडान संख्या बढाइएको प्रधिकरण स्रोतले जानकारी दियो ।
परिवर्तित तालिका अनुसार बुद्ध एयरले दैनिक १८ उडान गर्दै आएकोमा बिहीबारदेखि २५ उडान गर्न पाउने छ भने १२ उडान अनुमति पाएको यतीले अब दैनिक १८ उडान गर्न पाउनेछ।
यसैगरी श्रीले पहिले ६ वटा उडानको अनुमति पाएकोमा अब दैनिक १२ वटा गर्न पाउने भएको छ। यसैगरी सिम्रिक र सौर्यलाई भने दैनिक २ वटा उडानको अनुमति दिइएको छ । साथै दुर्गमका उडान गर्ने सीता, तारा र समिटले पनि अब दैनिक ४र४ वटा उडान गर्न पाउने प्राधिकरणले जनाएको छ ।