आइतबार, जेष्ठ ६ २०८१
आइतबार, जेष्ठ ६ २०८१
मध्यान्तर संवाददाता
काठमाडौं । काठमाडौं उपत्यकामा थप २५४० जनामा कोरोनाभाइरसको संक्रमण पुष्टि भएको छ । आज स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले सार्वजनिक गरेको विवरण अनुसार उपत्यकामा उल्लेखित संख्या अहिलेसम्मकै सर्वाधिक हो ।
बिहीबार स्वास्थ्य मन्त्रालयले दिएको जानकारीका अनुसार पछिल्लो २४ घण्टामा काठमाडौंमा २०८५, भक्तपुरमा १३५ र ललितपुरमा ३२० सय जनालाई संक्रमण पुष्टि भएको छ ।
त्यस्तै पछिल्लो २४ घण्टामा देशभर ४ हजार ३६४ कोरोनाका संक्रमित थपिएका छन् । आज थपिएको संख्यासहित हालसम्म देशभर संक्रमित हुनेको कुल संख्या ९८ हजार ६१७ पुगेको मन्त्रालयले जनाएको छ ।
त्यस्तै यस अवधिमा २ हजार ६७५ जना कोरोनाबाट निको भएका छन् । यीसहित हालसम्म कोरोनाबाट निको हुनेको संख्या ७१ हजार ३४३ पुगेको डा. गौतमले जानकारी दिए । देशभर हाल सक्रिय संक्रमितको संख्या २६ हजार ६८४ रहेको मन्त्रालयले सार्वजनिक गरेको विवरणमा उल्लेख छ ।
पछिल्लो २४ घण्टामा थप १२ जनाको कोरोनाबाट मृत्यु भएको छ भने योसहित हालसम्म कोरोनाबाट मृत्यु हुनेको संख्या ५ सय ९० पुगेको मन्त्रालयले जनाएको छ ।
