आइतबार, जेष्ठ ६ २०८१
आइतबार, जेष्ठ ६ २०८१
मध्यान्तर संवाददाता
काठमाडौं । पछिल्लो २४ घण्टामा काठमाडौं उपत्यकामा १ हजार ४ सय ९ जना नयाँ संक्रमति थपिएका छन् । स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले शुक्रबारको नियमित प्रेस ब्रिफिङमार्फत उल्लेखित संख्यामा कोरोना पुष्टि भएको जानकारी दिएका हुन् ।
गौतमका अनुसार विभिन्न प्रयोगशालामा परिक्षण गर्दा काठमाडौं १११६, भक्तपुर १३० ललितपुर १६३ गरी उपत्यकामा १ हजार ४ सय ९ जना नयाँ संक्रमति फेला परेका हुन् ।
त्यस्तै पछिल्लो २४ घण्टामा देशैभर २ हजार ५९ जनामा कोरोनाभाइरस संक्रमण पुष्टि भएको डा. गौतमले जानकारी दिए । योसहित संक्रमित हुनेको कुल संख्या १ लाख ६७६ पुगेको छ ।
त्यस्तै कोरोनाबाट निको हुनेको संख्या ७३ हजार २३ पुगेको छ । पछिल्लो २४ घण्टामा थप १ हजार ६८० जना कोरोनाबाट मुक्त भएको मन्त्रालयले जनाएको छ । हाल देशभर सक्रिय संक्रमित २७ हजार ५३ रहेका छन् । यसैगरी आज संस्थागत आइसोलेशनमा ११ हजार १७६ जना र होम आइसोलेशनमा १५ हजार ८७७ जना रहेका छन् ।
त्यस्तै पछिल्लो २४ घण्टामा थप १० जनाको कोरोनाबाट मृत्यु भएको मन्त्रालयले जनाएको छ । योसहित कोरोनाबाट मृत्यु हुनेको संख्या ६ सय पुगेको छ ।
पछिल्लो २४ घण्टामा थप १३ हजार २७९ जनाको पिसिआर परीक्षण भएको छ भने हालसम्म ११ लाख ४५ हजार जनाको पिसिआर परीक्षण भएको मन्त्रालयले जनाएको छ ।
