काठमाडौं । देशैभर पछिल्लो २४ घण्टामा ४ हजार ४७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले सोमबारको नियमित प्रेस ब्रिफिङमार्फत उल्लेखित संख्यामा कोरोना संक्रमण पुष्टि भएको जानकारी दिए । योसँगै संक्रमितको कुल संख्या १ लाख ११ हजार ८०२ पुगेको मन्त्रालयले जनाएको छ ।
काठमाडौं उपत्यकामा मात्रै २ हजार २८३ जना नयाँ संक्रमित थपिएका छन् । जसमा काठमाडौंका १ हजार ८८८, ललितपुरका २७७ र भक्तपुरका ११८ जना रहेको प्रवक्ता डा. गौतमले जानकारी दिए ।
कोरोना संक्रमितमध्ये ६४५ जनाको मृत्यु भइसकेको छ भने ७७ हजार २७७ जना संक्रमणमुक्त भएका छन् । पछिल्लो २४ घण्टमा मात्र १४७३ जना संक्रमणमुक्त भएको मन्त्रालयले उल्लेख गरेको छ ।
देशभर ३३ हजार ८८० संक्रिय संक्रमित रहेको मन्त्रालयले जनाएको छ ।