काठमाडौं । काठमाडौं उपत्यकामा पछिल्लो २४ घण्टामा थप १६ सय ९८ जनामा कोरोना भाइरस संक्रमण देखिएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले आइतबार सार्वजनिक गरेको विवरण अनुसार उल्लेखित संख्यामा संक्रमित थपिएका हुन् ।
काठमाडौंमा १४६९ , ललितपुरमा ९९ र भक्तपुरमा १३० गरी १६ सय ९८ जनामा संक्रमण देखिएको मन्त्रालय प्रवक्ता डा. गौतमले जानकारी दिए ।
त्यस्तै देशैभर पछिल्लो २४ घण्टामा थप २ हजार ९४२ जनामा कोरोना संक्रमण पुष्टि भएको छ । योसहित हालसम्म संक्रमित हुनेको संख्या १ लाख ३२ हजार २४६ पुगेको मन्त्रालयले जानकारी दिएको छ ।
त्यस्तै आइतबारको तथ्यांक अनुसार २ हजार ३२६ जना कोरोनाबाट मुक्त भएका छन् । योसहित हालसम्म कोरोनाबाट निको हुनेको कुल संख्या ९२ हजार १६६ पुगेको छ । हाल देशभर सक्रिय संक्रमितको संख्या ३९ हजार ३४१ रहेको मन्त्रालयले जनाएको छ ।
आइसीयूमा ३०१ र ६६ जनाको भेन्टिलेटरमा उपचार भइरहेको छ । २४ घण्टाभित्र थप १२ जनाको कारोना संक्रमणबाट मृत्यु भएको छ । योसहित हालसम्म कोरोनाबाट मृत्यु हुनेको संख्या ७३९ पुगेको मन्त्रालयले जनाएको छ ।
मन्त्रालयका अनुसार पछिल्लो २४ घन्टामा १४ हजार ८७५ नमूनाको पीसीआर परीक्षण भएको छ।