आइतबार, जेष्ठ ६ २०८१
आइतबार, जेष्ठ ६ २०८१
मध्यान्तर
काठमाडौं । देशै पछिल्लो २४ घण्टामा ३ हजार ६३७ जनामा कोरोना संक्रमण पुष्टि भएको छ । स्वस्थ्य तथा जनसंख्या मन्त्रालयका प्रवक्ता डा. जागेश्वर गौतमले बिहिबारको नियमित प्रेस ब्रिफिङमार्फत उल्लेखिखत संख्यामा कोरो संक्रमण पुष्टि भएको जानकारी दिए । योसँगै नेपालमा कोरोना संक्रमितको संख्या १ लाख ४८ हजार ५०९ पुगेको छ।
हाल देशभर ४४ हजार ८७७ जना सक्रिय संक्रमित रहेको मन्त्रालयले जनाएको छ । आज १३ हजार ३३९ जना संस्थागत आइसोलेसनमा छन् भने बाँकी होम आइसोलेसनमा रहेको डा. गौतमले बताए । यो २४ घण्टाभित्र देशभर विभिन्न प्रयोगशालामा १५ हजार २५५ जनाको स्वाब परीक्षण भएको मन्त्रालयले उल्लेख गरेको छ ।
त्यस्तै २४ घण्टामा काठमाडौं उपत्यकामा जनामा १५५२ कोरोना संक्रमण देखिएको छ । काठमाडौंमा १२८३ जना, भक्तपुरमा ११२ र ललितपुरमा १५७ जना नयाँ संक्रमित भेटिएको प्रवक्ता डा. गौतमले जानकारी दिए ।
यस्तै पछिल्लो २४ घण्टामा थप ३,२१५ जना कोरोना संक्रमण मुक्त भएका छन् भने यससँगै कोरोना निको हुनेको संख्या १ लाख २ हजार ८२० पुगेको छ ।
कोरोना संक्रमणबाट थप २१ जनाको मृत्यु भएको छ । योसहित कोरोनाबाट मृत्यु हुनेको संख्या ८१२ पुगेको छ ।
