Online Nepal सोमबार, मंसिर १९ २०७९

युक्रेनी राष्ट्रपति जेलेन्स्कीले रुसि सेनाको कब्जाबाट थप क्षेत्र फिर्ता लिएको दाबी

युक्रेनी राष्ट्रपति जेलेन्स्कीले रुसि सेनाको कब्जाबाट थप क्षेत्र फिर्ता लिएको दाबी


मध्यान्तर
  • मंगलबार, भाद्र २८ २०७९

  • काठमाडौं । युक्रेनी राष्ट्रपति भोलोदिमिर जेलेन्स्कीले युक्रेनी सेनाले रुसी सेनाको कब्जाबाट थप क्षेत्र फिर्ता लिएको दाबी गरेका छन् । भोलोडिमिर जेलेन्स्कीले युक्रेनी सेनाले सेप्टेम्बरदेखि पूर्व र दक्षिणमा रुसी कब्जाबाट ६,००० वर्ग किलोमिटरभन्दा बढी भूभाग फिर्ता लिएको बताए।

    यी दाबीहरूलाई स्वतन्त्र रूपमा प्रमाणित गर्न सकिएको छैन । रुसले उत्तरपूर्वी खार्किभ क्षेत्रका महत्वपूर्ण सहरहरूबाट आफ्नो कब्जा गुमाएको स्वीकार गरेको छ। धेरै सैन्य विज्ञहरूले यसलाई युद्धको एक मोड मान्छन्।

    रुसले युक्रेनको पूर्वमा रहेको लुहान्स्क र डोनेस्कमा केन्द्रित भएर आफ्ना सेनाहरूलाई “पुनः एकीकरण” गर्ने बताएको छ। तर, रुस युद्धमा पछाडि परेको खबरलाई लिएर पुटिनको आफ्नै देशमा आलोचना भइरहेको छ ।

    बीबीसी संवाददाता जेम्स वाटरहाउसले मार्चमा राजधानी किभ नजिकैको सेना पछि हटेपछि रुसका लागि यो अर्को ठूलो धक्का भएको बताए।

    सोमबार जारी गरिएको एक भिडियो सन्देशमा राष्ट्रपति जेलेन्स्कीले भने, “सेप्टेम्बरको सुरुदेखि हाम्रा योद्धाहरूले पूर्व र दक्षिणमा रुसी कब्जाबाट ६,००० वर्ग किलोमिटरभन्दा बढी भूभाग फिर्ता गरिसकेका छन्।”

     

    प्रतिक्रिया
    थप समाचार