बिहिबार, बैशाख १३ २०८१
बिहिबार, बैशाख १३ २०८१
मध्यान्तर
काठमाडौं । माछापुच्छ्रे बैंकले चालु आर्थिक वर्षको ६ महिना अवधिमा एक अर्ब दुई करोड ५२ लाख रुपैयाँ नाफा कमाएको छ । शनिबार सार्वजनिक गरेको दोस्रो त्रैमाससम्मको अपरिस्कृत वित्तीय विवरण अनुसार बैंकको नाफा गत वर्षको तुलनामा १.४२ प्रतिशतले बढेको हो । गत वर्षको दोस्रो त्रैमाससम्म कम्पनीले एक अर्ब एक करोड आठ लाख रुपैयाँ नाफा आर्जन गरेको थियो ।
बैंकको पुस मसान्तसम्म वितरणयोग्य मुनाफा एक अर्ब पाँच करोड ८० लाख रुपैयाँ कायम भएको छ । वित्तीय विवरण अनुसार यो त्रैमासमा बैंकको खराब कर्जा बढेको छ । गत आर्थिक वर्षको दोस्रो त्रैमाससम्म यो बैंकको खराब कर्जा ०.५७ प्रतिशत थियो भने यो यो वर्ष कम्पनीको खराब कर्जा बढेर १.४१ प्रतिशत कायम भएको छ ।
बैंकले दुई अर्ब ७९ करोड २९ करोड रुपैयाँ ब्याज आम्दानी गरेको छ । उक्त अवधिमा बैंकले एक अर्ब ४७ करोड ३३ लाख रुपैयाँ सञ्चालन मुनाफा गरेको छ ।
बैंकले जगेडा कोषमा चार अर्ब १३ करोड रुपैयाँ जम्मा गरेको छ ।
