मंगलबार, असोज १६ २०८०
मंगलबार, असोज १६ २०८०
मध्यान्तर
काठमाडौँ । जारी एसिया कप क्रिकेट अन्तर्गत भारत र पाकिस्तानबीचको खेलमा आज पनि वर्षा बाधक बनेको छ।
सुपर फोरअन्तर्गत हिजो अपराह्न सुरु भएको खेल वर्षाका कारण पूरा हुन सकेको थिएन। टस हारेर ब्याटिङको निम्तो पाएको भारतले २४।१ ओभरमा २ विकेट गुमाएर १४७ रन बनाउँदा पानी परेको थियो। निरन्तर पानी परेर खेल हुन नसकेपछि आजका लागि सारिएको थियो।
यी दुई टिमबीचको खेल आज यही अवस्थाबाट सुरु हुनुपर्नेमा मैदान हिलो भएका कारण सुरु हुन सकेको छैन। हिजो खेल रोकिँदा भारतीय टिमबाट हाल क्रिजमा विराट कोहली आठ र केएल राहुल १७ रनमा खेलिरहेका थिए। त्यसअघि कप्तान रोहित शर्मा ५६ र सुभमन गिल ५८ रनमा आउट भएका थिए।
पाकिस्तानका सदाब खान र साहिन साह अफ्रिदीले एक–एक विकेट लिएका थिए। सुपर फोरमा दुई अंक जोडेको पाकिस्तान तालिकाको शीर्ष स्थानमा छ। भारतको भने सुपर फोरमा यो पहिलो खेल हो।
