Online Nepal बिहिबार, बैशाख ६ २०८१

बाटो माथिबाट खसेको ढुंगा लागेर एकको मृत्यु

बाटो माथिबाट खसेको ढुंगा लागेर एकको मृत्यु


मध्यान्तर
  • शनिबार, फाल्गुन १९ २०८०

  • काठमाडौँ । मुगुम कार्मारोङ गाउँपालिकामा एक पुरुषको ढुंगा लागेर शनिबार मृत्यु भएको छ। मुगुम कार्मारोङ- ६ रिउस बगरमा रहेको जलविद्युतमा काम गर्न घरबाट हिँडेका सोही गाउँपालिका-५ का ५० वर्षीय कोन्जोक लाक्याप लामाको सडक माथिबाट आएको ढुंगा लागेर मृत्यु भएको हो।

    विद्युत् गृहको नहर पहिराले क्षति गरेपछि वडा नं ५ र ६ का स्थानीयको आज काम गर्ने पालो थियो। सोही कामका लागि मृतक लामासहित अन्य चारजना सेरोग गाउँबाट रिउस आउँदै गर्दा तिलिकछु भन्ने स्थानमा माथिबाट आएको ढुंगा लागेर घाइते बनाएको थियो।

    घाइते भएका लामालाई स्थानीय र पुलु प्रहरी चौकीले तत्काल उद्धार गरी पुलु स्वास्थ चौकी पुर्‍याए पनि त्यहाँ उपचार हुन नसकेपछि थप उपचारका लागि जिल्ला अस्पताल, गमगढी लैजाँदै गर्दा बीच बाटोमा मृत्यु भएको गाउँपालिका अध्यक्ष छिरिङ क्याप्ने लामाले जानकारी दिए।

    प्रतिक्रिया
    ताजा अपडेट
    थप समाचार