आइतबार, जेष्ठ ६ २०८१
आइतबार, जेष्ठ ६ २०८१
मध्यान्तर
काठमाडौँ । स्कटल्यान्डस्थित एबरडिन सहरमा आगलागीमा परी दुई नेपाली दिदीबहिनीको मृत्यु भएको छ।
एबरडिनको ब्याक हिल्टन रोड बस्ने अन्दाजी २२ वर्षीया आँचल सुवेदी र २४ वर्षीया शिक्षा सुवेदीको गत सोमबार साँझ ६ बजे भएको आगलागीमा परेर मृत्यु भएको हो।
छिमेकीको तल्लो फ्ल्याटमा आगो लागेपछि दोस्रो तलामा रहेका उनीहरु आत्तिँदै भुइँ तलामा झर्दा धुवाँको मुस्लोले निस्सासिएर बेहोस भएका र पछि निधन भएको एनआरएनए यूकेका अध्यक्ष प्रेम गाहा मगरले जनाएका छन्।
सुवेदी दिदीबहिनी पोखरा विश्वविद्यालयका पूर्वप्राध्यापक डा. यज्ञराज सुवेदीका छोरीहरू हुन्। सुवेदी परिवार लामो समयदेखि एबरडिनमा बस्दै आएको छ।
