काठमाडौं । एनएमबी बैंक लिमिटेडले १३ हजार ३६२ कित्ता संस्थापक शेयर बिक्री गर्ने भएको छ । नेपाल राष्ट्र बैंकको निर्देशनअनुसार कम्पनीका संस्थापक शेयरधनीलाई नै प्राथमिकता दिनुपर्ने भएकाले संस्थापक शेयर खरिद गर्न इच्छुक संस्थापक शेयरधनीलाई आवेदन दिन अनुरोध गरेको छ । शेयर किन्न इच्छुक संस्थापक शेयरधनीले सूचना प्रकाशन मितिले ३५ दिनभित्र आवश्यक कागजपत्र संकलन गरेर कम्पनीको बबरमहल, काठमाडौंमा आइपुग्ने गरी निवेदन दिन बैंकले जानकारी गराएको छ ।