Online Nepal आइतबार, जेष्ठ ६ २०८१

देशैभर पछिल्लो २४ घण्टामा ११५४ जनामा कोरोना संक्रमण, एकैदिन १६ जनाले ज्यान गुमाए

देशैभर पछिल्लो २४ घण्टामा ११५४ जनामा कोरोना संक्रमण, एकैदिन १६ जनाले ज्यान गुमाए


मध्यान्तर संवाददाता
  • सोमबार, असोज ५ २०७७

  • फाइल तस्बिर

    काठमाडौं । देशैभर बितेको २४ घण्टामा १ हजार १५४ जनामा कोरोना भाइरस संक्रमण पुष्टि भएको छ । स्वास्थ्य मन्त्रालयका प्रवक्ता डा. जागेश्वर गौतमले सोमबारको नियमित प्रेस ब्रिफिङमार्फत उल्लेखित संख्यामा कोरोना संक्रमण पुष्टि भएको जानकारी दिएका हुन् ।

    उनका अनुसार बितको २४ घण्टामा १ हजार ५ जना डिस्चार्ज भएका छन् भने हालसम्म निको हुनेको कुल संख्या ४७ हजार २३८ पुगेको छ ।

    आजसम्म देशभर सक्रिय संक्रमितको संख्या १७ हजार ६११ रहेको छ । जसमा संस्थागत आइसोलेशनमा ८ हजार ९२१ रहेका छन् भने होम आइसोलेशनमा ८ हजार ६९० जना रहेका छन् ।

    यसैबीच बितेको २४ घण्टामा देशभर थप १६ जनाको मृत्यु भएको मन्त्रालयले सार्वजनिक गरेको विवरणमा उल्लेख छ । यससँगै मृतकको कुल संख्या ४२७ पुगेको छ ।

    प्रतिक्रिया
    थप समाचार