बुधबार, जेष्ठ २ २०८१
बुधबार, जेष्ठ २ २०८१
मध्यान्तर
काठमाडौं । उपनिर्वाचन अन्तर्गत इलाम क्षेत्र नम्बर २ को जारी मतगणनामा एमालेका उम्मेदवार सुहाङ नेम्वाङले १० हजार मत कटाएका छन् ।
भर्खरै सार्वजनिक भएको पछिल्लो मत परिणाम अनुसार एमाले उम्मेदवार नेम्वाङले १० हजार ३ मत ल्याएर पहिलो स्थानमा अग्रता कायम राखेका छन्।
उनलाई नेपाली कांग्रेसका डम्बर बहादुर खड्काले पछ्याइरहेका छन्। खड्काले अहिलेसम्म ६ हजार ९४४ मत प्राप्त गरेका छन्।
एमाले उम्मेदबार नेम्वाङले कांग्रेसका खड्कासँगको मतान्तर झन् बढाउँदै लगेका छन्।
पहिचान पक्षधर उम्मेदवार डकेन्द्रसिंह थेगिम तेस्रो स्थानमा छन्। उनले अहिलेसम्म चार हजार ५ सय ९१ मत ल्याएका छन्।
त्यस्तै, रास्वपाका मिलन लिम्बू चौथो स्थानमा छन्। उनले १ हजार ४०५ मत ल्याएका छन्।
इलाम २ मा अझै दुई तिहाई मत गन्न बाँकी रहेको छ । शनिबार भएको उपनिर्वाचनमा ६९ हजार २ सय मत खसेको छ।
