काठमाडौँ । प्रतिनिधिसभाका सभामुख कृष्णबहादुर महराले हालसम्म पुर्पक्षका लागि थुनामा रहेका सांसद रेशम चौधरीको तलब सुविधाबारे संसदमा जानकारी गराएका छन् । उनी कैलाली क्षेत्र नंः १ बाट निर्वाचित भएका हुन ।
प्रतिनिधिसभाको बुधबारको बैठकमा सभामुख महराले चौधरीलाई पुस १९ गते सपथ गराएको र पुनः डिल्लीबजार कारगारमै लगिएको जानकारी गराए।
नियमानुसार चौधरीले हाल सांसदको कुनै पनि कार्य गर्न तथा सेवासुविधा नपाउनेबारे सदनलाई स्पष्ट पारे। प्रतिनिधिसभाको अर्को बैठक पुस २९ गते दिउँसो १२ बजे बस्नेछ।