काठमाडौं । देशैभर बितेको २४ घण्टामा कोरोना संक्रमितको संख्या २ हजार २० जना पुगेको स्वास्थ्य तथा जनसंख्या मन्त्रालयले जानकारी दिएको छ । यो संख्या हालसम्मकै उच्च हो । यससँगै देशभर संक्रमितको कुल संख्या ६१,५९३ पुगेको मन्त्रालयका प्रवक्ता डा. जागेश्वर गौतम शुक्रबारको नियमित प्रेस ब्रिफिङमार्फत जानकारी दिए ।
हालसम्म संक्रमण मुक्त हुनेको संख्या ४३ हजार ८२० पुगेको मन्त्रालयका प्रवक्ता डा जागेश्वर गौतमले शुक्रबारको नियमित प्रेस ब्रिफिङमा जानकारी दिए । पछिल्लो २४ घण्टामा ८७१ जना कोरोना संक्रमणमुक्त भएका छन् । नेपालमा संक्रमणमुक्त हुनेको दर ७१.१ प्रतिशत रहेको छ । डा. गौतमले हाल संक्रमितमध्ये १७३ आईसीयूमा र ३६ जना भेन्टिलेटरमा रहेको बताए ।
आज देशभर सक्रिय संक्रमितको संख्या १७ हजार ३८३ रहेको छ । जसमा संस्थागत आइसोलेशनमा ९ हजार २९५ र होम आइसोलेशनमा ८ हजार ०८८ जना रहेका छन् ।
यस्तै आज ११ हजार ४५८ जनाको पीसीआर परिक्षण भएको मन्त्रालयले जनाएको छ ।