शुक्रबार, जेष्ठ ४ २०८१
शुक्रबार, जेष्ठ ४ २०८१
मध्यान्तर
नवलपरासी । नवलपरासीमा बिहीबार विद्यालय जाँदै गरेकी एक छात्रामाथि चक्कु प्रहार गरिएको छ । नवपरासी पश्चिमको प्रतापपुर गाउँपालिका वडा नं ७ स्थीत पिपरपाती सुर्यपुरा सडक खण्डमा आज बिहान करिब ९ : ०० बजे चक्कु प्रहार गरिएको हो ।
छात्रा चक्कु प्रहारबाट सामान्य घाइते भएकी छिन । छात्राको दाहिने हात र निधारमा सामान्य चोट लागेको छ । अहिले छात्राको स्थानिय क्लिनिकमा उपचार भइरहेको छ ।
साइकल चढेर विद्यालय जाँदै गरेकी अनिता केवट माथी उखुबारीमा कालो पट्टीले मुख बाधेर लुकेर बसेका तीन जनाको समुहले एक्कासी चक्कु प्रहार गरेको र जबर्जस्ती उखुबारीमा लग्न खोजिएको इलाका प्रहरी कार्यालय बेलाटारीले जनाएको छ ।
अहिले तिनै अज्ञात ब्यक्तिहरुको खोजी कार्य भइरहेको प्रहरीले जनाएको छ । घाइते छात्रा गणेश मावि जगर्नाथपुरको कक्षा ८ मा अध्यनरत विद्यार्थी हुन् ।
