आइतबार, जेष्ठ ६ २०८१
आइतबार, जेष्ठ ६ २०८१
मध्यान्तर
काठमाडौं । नेपाली क्रिकेटका पूर्वकप्तान सन्दीप लामिछाने असोज २० (अक्टोबर ६) मा नेपाल आइपुग्ने भएका छन् ।
शनिबार सामाजिक सञ्जालमार्फत लामिछानेले नेपाल आएर आफूमाथि लागेका झुटा आरोपविरुद्ध कानुनी लडाइँ लड्ने बताएका हुन् ।
बलियो आशा र शक्तिका साथ अक्टोबर ६ मा गृह देश नेपाल आइपुग्दै छु,उनले भनेका छन्, नेपाल आएर झुटा आरोपविरुद्ध कानुनी लडाइँ लड्नेछु ।
उनले आफू निर्दोष रहेको न्याय प्रणालीमा आफ्नो पूर्ण विश्वास रहेको बताएका छन् । साथै उनले आफूमाथि निष्पक्ष व्यवहार हुने विश्वास गरेका छन् ूछिटो भन्दा छिटो न्याय पाउनेमा आशावादी छु, उनले भनेका छन् ।
उनले आफ्ना शुभचिन्तकहरूलाई सम्बोधन गर्दै आफूले कुनै गल्ती नगरेको दाबी गरेका छन् । आफू षड्यन्त्रको सिकार बनेको उनको जिकिर छ ।
उनीमाथि एक नाबालिकामाथि जबरजस्तीकरणी गरेको आरोप लागेको छ ।
