काठमाडौं । जिल्ला समन्वय समिति स्याङ्जाको गाडी दुर्घटना हुँदा एक जनाको मृत्यु भएको छ ।
पर्वतबाट स्याङ्जा आउँदै गरेको बा.१ झ.५८७८ नम्बरको गाडी बुधवार बेलुकी अर्जुनचौपारी गाउँपालिका.३ खोले दुर्घटना हुँदा
चालक वालिङ नगरपालिका.४ एलादीका अन्दाजी ३५ वर्षीय अमृत खनालको मृत्यु भएको प्रहरीले जनाएको छ ।
गाडीमा सवार समितिका समन्वय अधिकारी राजेन्द्रप्रसाद अधिकारी, अम्बिका पौडेल र टीकाराम पौडेल घाइते भएको प्रहरीले जनाएको छ ।
गाडी सडकबाट करिब ५० मिटर तल खसेर दुर्घटना भएको हो ।