बिहिबार, बैशाख १३ २०८१
बिहिबार, बैशाख १३ २०८१
मध्यान्तर
काठमाडौं । धनुषामा धारिलो हतियार प्रहार गरी श्रीमान्–श्रीमतीको हत्या प्रयास भएको छ ।
मिथिला विहारी नगरपालिका ६ बिर्सियाका ३५ वर्षीय दिनकर यादव र उनका श्रीमती ममता यादवको हत्या प्रयास भएको हो । दिनकरको गर्दन र उनकी श्रीमती ममताको दायाँ हातमा धारिलो हतियार प्रहार गरिएको छ ।
रगत अत्यधिक बगेकाले दिनकरको अवस्था चिन्ताजनक रहेको प्रहरीले जनाएको छ । उनको शरीर रगतले भिजेको देखिन्छ । उनी दुवै जनालाई उपचारका लागि अहिले जनकपुरधामस्थित प्रादेशिक अस्पताल ल्याइएको छ ।
घरमै भएको बेला उनीहरूमाथि आक्रमण भएको र आक्रमण कसले गरेको विषयमा थाहा नभएको उनीहरूलाई उपचारका लागि अस्पताल ल्याएको प्रहरीले जनाएको छ ।
