शनिबार, जेष्ठ ५ २०८१
शनिबार, जेष्ठ ५ २०८१
अरबिन्द्र गौतम
काठमाडौं – काभ्रेपलान्चोक जिल्ला बनेपामा ‘बनेपा नगरपालिका प्रथम मेयर कप अन्तर वडा स्तरिय फुटबल प्रतियोगिता–२०७५’ हुने भएको छ । प्रतियोगिता बनेपा नगरपालिकाको मुख्य आयोजना तथा ५ नं. वडा कार्यालयको संयोजनमा हुन लागेको हो ।
स्वास्थ्यको लागि खेलकुद, राष्ट्रको लागि खेलकुद’’ भन्ने मुल नाराका साथ संचालन हुने उक्त प्रतियोगीतामा बनेपा नगरपालिकाभित्रका १४ वटा वडाहरुबीच प्रतिस्पर्धा हुने र प्रतियोगीता भव्य रुपमा सफल पार्न बनेपा नगरपालिका ५ नं. वडाका वडा अध्यक्ष बलराम अधिकारीको संयोजकत्वमा मूल संयोजन समिति गठन गरिएको छ ।
मेयर कपमा १ वटा वडाबाट बढीमा २ टिम दर्ता गर्न पाउने संयोजन समितिले जानकारी दिए ।मेयर कप आउँदो २०७५ असोज १९ गते शुक्रबारदेखि नेपाल बनेपा पोलिटेक्निक इस्टिच्युटको खेल मैदान (चाईना टाउन)मा हुने । इच्छुक टिमले असोज १९ गते अगाडि नै प्रतियोगिता मुल संयोजन समितिसँग सम्पर्क गरी टिम दर्ता गर्न अव्हान गरेका छन् ।
विजेता टिमले रु ५०,००० प्रथम पुरस्कार रु ३०,००० द्धितिय पुरस्कार समेत पाउने वताईएको छ ।
