Online Nepal आइतबार, जेष्ठ ६ २०८१

परराष्ट्रमन्त्रीले यसरी मागे एनआरएनसँग माफि

परराष्ट्रमन्त्रीले यसरी मागे एनआरएनसँग माफि


मध्यान्तर
  • आइतबार, साउन १३ २०७५

  • बार्सिलोना । परराष्ट्रमन्त्री प्रदीप ज्ञवालीले गैर आबासीय नेपाली संघ (एनआरएनए) सँग माफि मागेका छन् । एनआरएनको ११ औ युरोपेली बैठकलाई सम्वोधन गर्न आईतबार लम्जम्बर्गमा पुगेका मन्त्री ज्ञवालीले व्यक्तिगत रुपमा कोहि जिम्मेबार साथीहरुको भनाईले एनआरएनको चित्त दुखेकोमा सरी भन्दै माफि मागेका हुन् ।

    परराष्ट्रमन्त्री ज्ञवालीले पण्डितको नाम त लिएनन् तर, घुमाउरो भाषामा माफि माग्दै भने, ‘व्यक्तिगत कुराहरुलाई व्यक्तिगत रुपमा नै डिस्कार्ड गरीदिनु हुन म अनुरोध गर्दछु । यहाँहरुलाई आश्वस्त तुलाउन चाहान्छु, बाध्यताले जहाँ सुकै बस्नुहोस् तपाईहरुको स्टाटस जुनसुकै होस् । नेपालको विकासमा तपाईहरु महत्वपूर्ण साझेदार हो । साझेदारको हिसावले तपाईहरुलाई स्वागत गर्न नेपाल सरकार सदैव तयार छ ।’  संघीय मामिला तथा सामान्य प्रशासनमन्त्री लालबाबु पण्डितले एनआरएनलाई भूपू नेपालीको अभिव्यक्ति दिएका थिए । उनले कानुन परिवर्तन गरेर विदेशी नागरिक भइसकेकाको पैत्रिक सम्पत्तिमा अंश नलाग्ने व्यवस्था पनि गर्छु पनि भनेका छन् ।

    उनले संविधानमा व्यबस्था भए अनुसार गैर आबासीय नेपालीहरुलाई आर्थिक, समाजिक, साँस्कृतिक अधिकारसहित नागरिकताका दिलाउने प्रतिबद्दता ब्यक्त गरे । मन्त्री ज्ञवालीले गैरआवसीय नेपालीहरुको पहिचान र भूमिकालाई संविधानले नै प्रत्याभूति गरेकाले त्यसलाई कुनै पनि हालतमा कटौती नगर्ने बताएका छन् ।

    कार्यक्रममा उनले एनआरएनए नेपाल सरकारको बिकास साझेदार पनि भएको बताएका छन् । नेपाल सरकारको आधिकारिक धारणा के हो भने म फेरि दोहोर्याएर भन्छु, तपाईहरु बिकासको पार्टनर नै हो ।’

    युरोपीय एनआरएनको प्रतिवद्धताः नेपालमा पर्यटक, ज्ञान सीप र लगानी भन्ने मुल नाराका एनआरएनको दुई दिने बैठकमा मन्त्री ज्ञवाली प्रमुख अतिथिको रुपमा सहभागी भएका छन् ।

    प्रतिक्रिया
    थप समाचार