काठमाण्डौ । बलिउड अभिनेता अक्षाय कुमारले पुलवा हमलाका शहिद परिवारलाई पाँच करोड रुपैया सहयोग गर्ने भएका छन् । अभिनेता अक्षायले भारतको जम्मू कश्मीरको पुलवामा अर्धशैन्य बल सीआरपीएफका जवानमाथि भएको आत्मघाती आतंकवादी हमलामा ज्यान गुमाउनेका परिवाारलाई सहयोग गर्ने भएका हुन् ।
उक्त हमलामा ४० जनाभन्दा बढीको ज्यान गुमाएका छन् । अहिले भारत उक्त हमलाका कारण आाक्रोशित बनेको छ । अभिनेता अक्षय कुमारले त्यस हमलालाई निकै नै कायरतापूर्ण काम भएको बताएका छन ।
अहिले सार्वजनिक खबरहरुका अनुसार अभिनेता अक्षय कुमारले ज्यान गुमाएका सैनिक जवानका परिवारहरुलाई सहयोगस्वरुप पाँच करोड रुपैयाँ दिने बताएका छन् ।
यस्तैअभिनेता अमिताभ बच्चनले पनि आतंकवादी हमलापछि शहीद भएका हरेक सैनिक परिवारलाई पाँच–पाँच लाख रुपैयाँ सहयोग गर्ने घोषणा गरेका छन् । साथै अभिनेता सलमान खानको एनजीओ बिइङ्ग ह्यूमन फाउण्डेशनले पनि शहीद जवानका परिवारलाई सहयोग गर्न लागेको छ ।
#Pulwama is something we cannot & will not forget.We’re all angry & it’s time to act. So act now,donate to the martyrs of Pulwama on https://t.co/5j0vxsSt7f There’s no better way to pay homage to them & show your support.This is the only official site,pls don’t fall prey to fakes pic.twitter.com/sYruUtzgKY
— Akshay Kumar (@akshaykumar) February 16, 2019
अभिनेता अक्षय कुमारले आफ्नो ट्विटर अकाउन्टमा ट्वीट गदै भनेका छन्, ‘पुलवामा हमला हामी कहिल्यै भुल्न सक्नेछैनौँ र भुल्न पनि दिनेछैनौं ।
हामी अहिले आक्रोशित छौँ र यो समय केही गरेर देखाउने बेला हो । यसविरुद्ध कारबाही गरिनुपर्छ । पुलवामा शहीद भएकाहरुलाई दान दियौँ । उनीहरुको सम्मान गर्ने र उनीहरुलाई सहयोग गर्ने सही समय यही हो ।’
अभिनेता अक्षय कुमार यतिबेला फिल्म ‘गुड न्युज’ को छायांकन गरिरहेका छन् । यस फिल्ममा उनीसँगै अभिनेत्री करिना कपूर खानको पनि भूमिका रहनेछ । साथै उनी अभिनित फिल्म ‘हाउसफूल–४’ र ‘केसरी’ यसैवर्ष प्रदर्शन हुदैछन् ।