काठमाडौं । प्रधानमन्त्री केपी शर्मा ओलीले शुक्रबार सांसदहरुले राखेका प्रश्नको जवाफ दिने भएका छन् । प्रधानमन्त्री आज १२ बजेको समयमा उत्तर दिने बताईएको छ ।
बिहीबार बसेको कार्यव्यवस्था परामर्श समितिको बैठकले प्रधानमन्त्रीसँग सांसदले प्रश्न गर्न पाउने व्यवस्था गरेको हो । बैठकमा प्रधानमन्त्रीको विदेश भ्रमणबारे पनि जानकारी गराइने छ ।
बैठकमा पारमाणविक विधेयक, नेपालको संविधानअनुकूल बनाउन केही नेपाल ऐनलाई संशोधन गर्ने विधेयक र जीवनाशक विषादी व्यवस्थापन विधेयकलाई दफावार छलफलका लागि सम्बन्धित समितिमा पठाउन प्रस्ताव पेश हुनेछ । यसका साथै राष्ट्रिय परिचयपत्र तथा पञ्जीकरण विधेयक माथि विचार गरियोस् भन्ने प्रस्ताव समेत आजको बैठकमा प्रस्तुत हुने जनाइएको छ ।