काठमाडौँ । भोजपुरको आमचोक गाउँपालिका एउटा यात्रुवाहक जिप दुर्घटना हुँदा कम्तीमा पनि एकजनाको मृत्यु भएको छ ।
सोमबार बिहान आमचोक गाउँपालिका-८ हैखराङमा बालंखाबाट मैयुङटार हिँडेको जिप दुर्घटनामा परेको हो ।
दुर्घटनामा एकजनाको घटनास्थलमै मृत्यु भएको छ । घाइतेको विवरण खुलिनसकेको प्रहरीले जनाएको छ ।
दुर्घटनाका घाइतेहरूलाई उपचारका लागि धरान लैजान जेटबोट चल्ने स्थान चुहारपुलसम्म लगिँदैछ ।
दुर्घटनामा परेको गाडीमा चालकसहित ९ जना रहेको खुलेको छ ।