काठमाडौं । स्वास्थ्य मन्त्रालयले संकलन गरेको विवरण अनुसार शुक्रबार देशैभर पछिल्लो २४ घण्टामा कोरोना भाइरसबाट थप १४ जनाले ज्यान गुमाएका छन् । यसरी मृत्यु हुनेमा महिला ४ र पुरुष १० जना रहेका छन् ।
शुक्रबारको नियमित प्रेस ब्रिफिङमार्फत मन्त्रालयका प्रवक्ता डा. जागेश्वर गौतमले देशभर थप १४ जनाले ज्यान गुमाएसँगै मृतकको कुल संख्या २७१ पुगेको जानकारी दिए ।
त्यस्तै देशैभर पछिल्लो २४ घण्टामा थप १३ सय ५९ जनामा कोरोनाभाइरस संक्रमण भएको छ । संक्रमित हुनेमा महिला ४६४ र पुरुष ८९५ रहेका छन् । यससँगै देशभर कुल संक्रमितको संख्या ४४ हजार २३६ पुगेको डा. गौतमले बताए ।
यस्तै काडमाडौं उपत्यकामा मात्रै ४५४ जनामा कोरोनाभाइरस संक्रमण पुष्टि भएको छ । डा. गौतमले काठमाडौंमा ३८६, ललितपुरमा ३२ र भक्तपुरमा ३६ जनामा संक्रमण पुष्टि भएको जानकारी दिए ।
यस्तै देशभर सक्रिय संक्रमितको संख्या १८ हजार ७०४ रहेको छ । जसमा संस्थागत आइसोलेशनमा १० हजार ९४२ जना रहेका छन् भने होम आइसोलेशनमा ७ हजार ४६२ जना रहेका छन् ।
पछिल्लो २४ घण्टामा १,३५४ जना निको भएका छन् । हालसम्म कुल निको हुनेको संख्या २५,५६१ पुगेको छ।