काठमाडौं । यती एयरलाइन्सको विमान दुर्घटनामा ज्यान गुमाएका २४ जनाको पोस्टमार्टम पोखरामै हुने भएको छ ।
आइतबार भएको दर्घटनामा परेकाहरुको शव पोखरा स्वास्थ्य विज्ञान प्रतिष्ठान (गण्डकी अस्पताल)मा राखिएको छ । सोही अस्पतालमा आज २४ जनाको पोस्टमार्टम हुन लागेको हो ।
शनाखत भइसकेका पोखराका स्थानीय र पारिवारले सोही स्थानमा बुझ्न तयार भएका २४ शवको आज पोस्टमार्टन गर्न लागिएको अस्पताल प्रशासनले जानकारी दिएको छ ।
पोस्टमार्टम सकिएसँगै शव परिवारलाई जिम्मा लगाइने अस्पतालले जनाएको छ ।
आज पोस्टमार्टम हुने मृतकहरुमा त्रिभुवन पौडेल, निसान आचार्य, जीवनकला गुरुङ, प्रसिद्धि पौडेल, अरुण पौडेल, लक्ष्मी पौडेल, निरा छन्त्याललगायत रहेका छन् ।