आइतबार, बैशाख ३० २०८१
आइतबार, बैशाख ३० २०८१
मध्यान्तर
काठमाडौं । संसारमा विचित्र किसिमका मान्छेहरु हुन्छन् । यहाँ सबैको आ-आफ्नो चाहाना हुन्छ । यस्ता चाहानाहरुकै कारण अनेक किसिमका अचम्मका घटनाहरु घटेका छन् । जसले बेलाबेलामा एक चोटी सोचमग्न पारिदिन्छ ।
यस्तै एउटा घटना अमेरिकामा घटेको छ । अमेरिकाको फ्लोरिडा भन्ने ठाउँकी एक युवतिले आफ प्रेमीलाई मारे रगत खाने चाहाना राखेकी छिन् । यस्तो चाहाना राख्ने युवति हुन् । ज्याकलिन एडिस । उनको एक डेटिङ साइटमा भेट ज्याकलि भयो छालाको हेरचाह गर्ने कम्पनीका सिइओसँग ।
तर, यहाँ कुरा अचम्मको भयो । उनीहरुको डेटमा पुरुषले सम्बन्ध अघि बढाउन चाहेनन् । अर्थात्नलाई ‘इग्नोर’ महसुस भयो । यसपछि के चाहियो र । ज्याकलिनले दैनिक ५ सय एसएमएस पठाउन थालिन् ती पुरुषलाई ।
करिब १ लाख ३९ हजार एसएमएस गरिन् ज्याकलिनले । एसएमएसका केही नमूना यस्ता थिएः
‘म तिम्रो हत्या गरेर रगतले नुहाउन चाहन्छु ।’
‘म तिम्रो किड्नी मिश्रित खाना खान चाहन्छु र त्यसका लागि तिम्रो हातको हड्डीको चपस्टिक्स बनाउन चाहन्छु ।’
यति मात्र होइन, ज्याकलिनले ती पुरुषलाई लगातार फलो गरिरहिन् । एकपटक त ज्यालिनले आफ्नो निबासमा पतिको नाम भनेर तिनै डेटमा गएका पुरुषको नाम पनि लेखिन् । जम्मा एकपटक डेटमा गएपछि रुची नबढेर बेवास्ता गरेकै कारण १ लाख ३९ हजार एसएमएस र पढ्नै नसकिने सन्देशपछि पीडित पुरुषले प्रहरीमा उजुरी गरे । उजुरीपछि ज्याकलिनलाई प्रहरीले पक्राउ गरेर अनुसन्धान गरिरहेको छ ।
