हिजो अमेरिकी डलरको विनिमयदर ११८ रुपैयाँ ८ पैसा थियो । सोमबारसम्म डलरको मूल्य ११७ रुपैयाँ ७२ पैसा रहेकामा मंगलबार बढेको थियो । बुधबार भने डलरको विनिमयदर १ रुपैयाँ ३६ पैसा कम भएको हो ।
केन्द्रीय बैंकले सर्वसाधारणबाट ११६ रुपैयाँ २९ पैसामा किन्नेछ ।बुधबार युरोको विनिमयदर १३९ रुपैयाँ ९५ पैसा तथा पाउन्डको १५७ रुपैयाँ २० पैसा कायम भएको छ । जुन महिनामा १२२ रुपैयाँसम्म पर्ने गरेको अमेरिकी डलर जुलाई र अगस्तमा १२१ हुँदै १२० सम्म झरेको थियो ।
बुधबार कायम अमेरिकी डलरको विनिमय दर गएको ७ महिनायताकै सस्तो हो । गत फेब्रुअरीमा डलरको विनिमयदर औसत ११४ रुपैयाँ रहेको डलर मार्चमा ११८, अप्रिलमा १२२ र मेमा १२० रुपैयाँ कायम भएको थियो ।