सोमबार, बैशाख २४ २०८१
सोमबार, बैशाख २४ २०८१
मध्यान्तर संवाददाता
काठमाडौं । पछिल्लो २४ घण्टामा कोरोना भाइरसबाट थप १७ जनाको मृत्यु भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले विहिबारको नियमित प्रेस ब्रिफिङमार्फत ५ महिला र १२ जना पुरुषको कोरोनाबाट मृत्यु भएको जानकारी दिएका छन् ।
मृत्यु हुनेमा मोरङका ५५ वर्षीया, सुनसरीका ८१ वर्षीया, धादिङका ३२ वर्षीया भक्तपुरमा ७३ वर्षीया र काठमाडौंमा ८२ वर्षीया महिलाको मृत्यु भएको मन्त्रालयले उल्लेख गरेको छ ।
यस्तै भक्तपुरमा ८४ वर्षीय, काठमाडौंमा ७५, ७९ र ८० वर्षीय, झापामा ७८ वर्षीय, धनुषामा ६८ र ७० वर्षीय, रौतहटमा ६५ वर्षीय, तनहुँमा ३९ वर्षीय, दाङमा ३९ वर्षीय, कपिलवस्तुमा ५० वर्षीय र नवलपरासीमा ५५ वर्षीय पुरुषको कोरोनाबाट मृत्यु भएको हो । यो सँगै नेपालमा कोरोनाबाट मृत्यु हुनेको संख्या ४ सय ५३ पुगेको छ ।
आज १ हजार ४ सय ९७ जना कोरोना संक्रमित थपिएका छन् । ११ हजार ४ सय ४९ पीसीआर परीक्षण भएकोमा आज ५ सय १३ महिला र ९ सय ८४ पुरुषमा संक्रमण देखिएको छ ।
