आइतबार, बैशाख १६ २०८१
आइतबार, बैशाख १६ २०८१
मध्यान्तर
काठमाडौं । त्रिभुवन विश्विद्यालय (त्रिवि)को उपकुलपतिमा प्रा.डा. केशरजंग बराल नियुक्त भएका छन् । प्रधानमन्त्री पुष्पकमल दाहाल प्रचण्डले बिहीवार डा.बराललाई उपकुलपति नियुक्त गरेका हुन् ।
उपकुलपति सिफारिस समितिले सिफारिस गरेका तीनजनामध्येबाट कुलपति समेत रहेका प्रधानमन्त्रीले बराललाई नियुक्त गरेका हुन् ।
त्रिविमा पहिलोपटक खुला प्रतिस्पर्धामार्फत उपकुलपति चयन गरिएको हो । शिक्षामन्त्री अशोककुमार राईको अध्यक्षतामा गठित तीन सदस्यीय सिफारिस समितिले फागुन ६ गते तीन जनाको नाम सिफारिस गरेको थियो ।
उपकुलपतिका निम्ति परेका ४३ आवेदनमध्येबाट चित्रबहादुर बुढाथोकी, प्रा.डा.केशरजंग बराल र प्रा.डा. टंकनाथ धमला सिफारिस भएका थिए ।
