काठमाडौं । सुनको मूल्य हालसम्मकै उच्च भएको छ । आज छापावाल सुनको मूल्य प्रतितोला एक लाख २३ हजार रुपैयाँ पुगेर नयाँ रेकर्ड कायम गरेको हो । गत पुस १२ गते बिहीबार सुनको मूल्य एक लाख २२ हजार रुपैयाँ पुगेको थियो ।
नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा एक लाख २३ हजार रुपैयाँ रहेको छ भने तेजावी सुनको मूल्य प्रतितोला एक लाख २२ हजार ४०० सय रुपैयाँ रहेको छ । सोमबार सुनको मूल्य प्रतितोला एक लाख २१ ह्जार रुपैयाँमा कारोबार भएको थियो ।
त्यस्तै, आज चाँदीको मूल्य पनि बढेको छ । हिजो चाँदीको मूल्य प्रतितोला एक हजार चार सय १० रुपैयाँमा कारोबार भएकोमा आज बढेर प्रतितोला एक हजार ४४५ रुपैयाँ पुगेको महासंघले जनाएको छ ।