नेपालगञ्ज मेडिकल कलेजमा बर्दियाका एक कोरोना संक्रमितको मृत्यु

मध्यान्तर

बुधबार, असोज ७ २०७७

काठमाडौं । बर्दियाका एक कोरोना संक्रमित पुरुषको बाँकेको नेपालगञ्ज मेडिकल कलेज शिक्षण अस्पतालमा उपचारको क्रममा मृत्यु भएको छ। बर्दिया जिल्लाको ठाकुरद्धारा नगरपालिका वडा नं. ७ निवासी ६४ वर्षीय पुरुषको मंगलबार दिउँसो ४ बजे नेपालगञ्ज मेडिकल कलेज शिक्षण अस्पताल कोहलुपरमा मृत्यु भएको छ।उनलाई असोज ४ गते विहान अस्पताल भर्ना गरिएको थियो। असोज ५ गते पिसिआर परीक्षणका गर्दा उनलाई कोरोना पुष्टि भएको थियो।

फोक्सोको देब्रे भागमा निमोनियाको गम्भीर संक्रमण देखिएका उनको त्यसैका कारण उपचारका क्रममा मृत्यु भएको अस्पतालले जनाएको छ। उपचारक्रममा बाँकेमा हालसम्म ११ जना संक्रमितको मृत्यु भइसकेको छ ।