मंगलबार, बैशाख २५ २०८१
मंगलबार, बैशाख २५ २०८१
मध्यान्तर संवाददाता
काठमाडौं । स्वास्थ्य तथा जनसंख्या मन्त्रालयले सार्वजनिक गरेको विवरण अनुसार बुधबार कोरोना भाइरसका २ हजार ६३८ जना संक्रमित थपिएका छन् । मन्त्रालयका प्रवक्ता डा. जागेश्वर गौतमले नियमित प्रेस ब्रिफिङमार्फत पछिल्लो २४ घण्टामा संख्याका संक्रमित थपिएको जानकारी दिएका हुन् ।
योसहित हालसम्म संक्रमित हुनेको संख्या १ लाख १७ हजार ९९६ पुगेको मन्त्रालयले जनाएको छ । आज कोरोनाबाट २ हजार १७४ निको भएका छन् भने योसहित हालसम्म कोरोनाबाट निको हुनेको कुल संख्या ८० हजार ९५४ पुगेको छ । अहिले देशका विभिन्न अस्पताल तथा होम आइसोलेसनमा गरी ३६ हजार ३६७ जना सक्रिय संक्रमित रहेको डा. गौतमले बताए ।
आज सार्वजनिक गरेको विवरण अनुसार कोरोनाका कारण थप १२ जनाको मृत्यु भएको छ भने योसँगै जम्म ज्यान गुमाउनेको संख्या ६७५ पुगेको छ ।
पछिल्लो २४ घण्टाभित्र विभिन्न प्रयोगशालामा १३ हजार ९४७ जनाको पिसिआर परीक्षण गरिएको मन्त्रालयले उल्लेख गरेको छ ।
