काठमाडौं । स्वास्थ्य तथा जनसंख्या मन्त्रालयले सार्वजनिक गरेको विवरण अनुसार बुधबार २४ घण्टमा थप काठमाडौं उपत्यकामा १४०३ जना संक्रमित थपिएका छन् । मन्त्रालयका प्रवक्ता डा. जागेश्वर गौतमले नियमित प्रेस ब्रिफिङमार्फत पछिल्लो २४ घण्टामा उल्लेखित संख्यामा संक्रमित थपिएको जानकारी दिएका हुन् । जसमा काठमाडौं जिल्लामा ९९६, भक्तपुरमा १०२ र ललितपुर जिल्लामा ३०५ जना संक्रमित रहेका छन् ।
त्यस्तै बुधबार देशैभर थप २ हजार ६ सय ३८ जनामा कोरोना भाइरस संक्रमण देखिएको छ । १३ हजार ९ सय २७ जनाको परीक्षण गर्दा २६३८ जनामा कोरोना भाइरस संक्रमण देखिएको हो । आज थपिएको संख्यासहित कुल कोरोना संक्रमितको संख्या १ लाख १७ हजार ९९६ पुगेको छ । देशभर कोरोना भाइरसका सक्रिय संक्रमितको संख्या ३६ हजार ३६७ रहेको मन्त्रालयले उल्लेख गरेको छ । जसमध्ये संस्थगत आइसोलेसनमा १४ हजार ८१९ जना रहेका छन् भने होम आइसोलेसनमा २१ ५४८ जना रहेका छन् ।
पछिल्लो २४ घण्टामा कोरोना भाइरस संक्रमण निको भई २१७४ जना डिस्चार्ज भएका छन् । नेपालमा हालसम्म कोरोना भाइरस संक्रमण मुक्त हुनेको संख्या ८० हजार ९५४ रहेको छ ।
आज सार्वजनिक गरेको विवरण अनुसार कोरोनाका कारण थप १२ जनाको मृत्यु भएको छ भने योसँगै जम्म ज्यान गुमाउनेको संख्या ६७५ पुगेको छ ।