आइतबार, बैशाख २३ २०८१
आइतबार, बैशाख २३ २०८१
मध्यान्तर संवाददाता
काठमाडौं । विहिबार देशैभर थप १ हजार ४९७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमका अनुसार पछिल्लो २४ घण्टामा उल्लेखित संख्यामा कोरोना संक्रमित थपिएका हुन् । योसहित हालसम्म संक्रमित हुनेको कुल संख्या ६९ हजार ३०१ पुगेको मन्त्रालयले जनाएको छ ।
त्यस्तै कोरोना जितेर ४५७ जना डिस्चार्ज भएका छन् । हालसम्म ५० हजार ४११ जना कोरोनाबाट निको भएको गौतमले बताए । मन्त्रालयका अनुसार अहिले देशभर १८ हजार ४३७ जना सक्रिय संक्रमित रहेका छन् ।
मन्त्रालयले सार्वजनिक गरेको विवरण अनुसार पछिल्लो २४ घण्टामा १७ जनाको कोरोनाले मृत्यु भएको छ । योसँगै नेपालमा कोरोनाले मृत्यु हुनेको संख्या ४५३ पुगेको छ ।
