आइतबार, बैशाख २३ २०८१
आइतबार, बैशाख २३ २०८१
मध्यान्तर संवाददाता
काठमाडौं । देशैभर पछिल्लो २४ घण्टामा थप १ हजार ३१३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले शुक्रबारको प्रेस ब्रिफिङमार्फत उल्लेखित संख्यामा कोरोना संक्रमण भएको जानकारी दिएका हुन् । योसहित हालसम्म संक्रमित हुनेको कुल संख्या ७० हजार ६१४ पुगेको मन्त्रालयले जनाएको छ ।
त्यस्तै मन्त्रालयले सार्वजनिक गरेको विवरण अनुसार पछिल्लो २४ घण्टामा १ हजार ४५५ जना कोरोनालाई जितेर निको भएका छन् भने हालसम्म कोरोनाबाट निको हुनेको संख्या ५१ हजार ८६६ पुगेको छ ।
कुल संक्रमितमध्ये निको हुनेको दर ७३ प्रतिशत रहेको मन्त्रालयले जनाएको छ । हाल देशभर सक्रिय संक्रमितको संख्या १८ हजार २८९ रहेको डा. गौतमले बताए । । मन्त्रालयका अनुसार आइसीयूमा २२७ र भेन्टिलेटरमा ३९ जनाको उपचार भइरहेको छ ।
त्यस्तै शुक्रबार सार्वजनिक गरिएको विवरणअनुसार थप ६ जनाले कोरोना संक्रमणबाट ज्यान गुमाएका छन् । हालसम्म कुल ४५९ जनाको कोरोना संक्रमणका कारण मृत्यु भएको ।
मन्त्रालयले १२ हजार २६२ जनाको पिसिआर परीक्षण भएको जानकारी दिएको छ ।
