काठमाडौं । वाणिज्य बैङ्कहरुले कर्जा तथा निक्षेपको नयाँ ब्याजदर सार्वजनिक गरेका छन् । नेपाल राष्ट्र बैङ्कले बैङ्क तथा वित्तीय संस्थाले हरेक महिना सुरु हुनुभन्दा अघिल्लो दिनसम्ममा नयाँ ब्याजदर सार्वजनिक गर्नुपर्ने निर्देशन दिएपछि बैङ्कहरुले महिना सुरु हुनु एक दिनअगावै ब्याजदर सार्वजनिक गरेका छन् ।
सवारी तथा घर कर्जामा यस्तो छ ब्याजदर :
१) राष्ट्रिय वाणिज्य बैंक
यो बैंकले घर कर्जामा न्यूनतम ७.३ प्रतिशतदेखि अधिकतम ८.८ प्रतिशतसम्म ब्याजदर तोकेको छ । बैंकले घर कर्जातर्फ ५ वर्षसम्मका लागि ७.३ प्रतिशतदेखि ७.८० प्रतिशतसम्म र १० वर्षका लागि ७.८० प्रतिशतदेखि ८.३ प्रतिशतसम्म र १५ वर्षका लागि ८.३ प्रतिशतदेखि ८.८ प्रतिशतसम्म ब्याजदर तोकेको हो ।यस्तै गाडी कर्जामा आधारदरमा ३.२५ प्रतिशतसम्म र विद्युतीय सवारीमा १.५० प्रतिशतसम्म थप लिन पाउने व्यवस्था छ । यसको आधारदर ५.८ प्रतिशत छ ।
२) माछापुछ्रे बैंक
यो बैंकले कर्जाको ब्याजदरमा न्यूनतम १०.६९ प्रतिशतदेखि अधिकतम १३.६९ प्रतिशतसम्म ब्याजदर तोकेको छ । बैंकले हालको आधारदर ८.६९ प्रतिशत तोकेको छ । सो आधारदरमा अधिकतम ५ प्रतिशतसम्म थप गरेर घर तथा सावारी कर्जा प्रवाह गराउने बैंकले जनाएको छ ।
३) मेगा बैंक
मेगा बैकको आधारदर ८.३० प्रतिशत छ । सो अनुसार बैङ्कले कर्जाको ब्याजदर निर्धारण गरेको छ । बैङ्कले न्यूनतम १ वर्षसम्मका फिक्स्ड ब्याजदरमा पनि कर्जा प्रवाह गर्ने भएको छ । जसमा होम लोन, टम लोन, अटो लोन, एजुकेसन लोन लगायत कर्जामा १३.३ ब्याजदरमा प्रवाह गर्ने घोषणा गरेको छ ।
४) नेपाल इन्भेस्टमेन्ट बैंक
यो बैंकले कायम गरेको बेसरेट ७.४९ प्रतिशत छ । जस अनुसार कर्जाको ब्याजदर निर्धारण गरेको हो । बैंकले ७ वर्षे घर कर्जाको १०.५० प्रतिशत र १० वर्षे घर कर्जाको १२.५० प्रतिशत ब्याजदर निर्धारण गरेको छ । यस्तै बैंकले ७ वर्षे र १० वर्षे सवारी कर्जाको ब्याजदर क्रमशः ११ प्रतिशत र १३ प्रतिशत निर्धारण गरेको छ ।
५) नबिल बैंक
यस बैंकको २०७७ साउन मसान्तसम्म आधारदर ७.१९ प्रतिशत छ । यसले घर तथा गाडी कर्जामा अधिकतम पाँच प्रतिशतसम्मको ब्याजदरमा कर्जा प्रवाह गर्नेछ । यो आफ्नो स्थापनाको ३६औँ वर्ष पुगेको अवसरमा कर्जाको ब्याजदरमा नयाँ अफर ल्याएको छ । जसअनुसार आर्थिक वर्ष सुरु भएको पहिलो त्रैमासमा ऋण लिने ऋणीले यो अफर सदुपयोग गर्न सक्छन् । बैैंकका अनुसार यो अफर एक वर्षका लागि मान्य हुनेछ भने एक वर्षसम्म ब्याजदर परिवर्तन भने हुने छैन ।
६) एनसीसी बैंक एनसीसी बैंकको असार मसान्तसम्मको आधारदर ९.०३ प्रतिशत रहेको छ । बैंकले यसै आधारदरका आधारमा कर्जाको ब्याजदर निर्धारण गरेको छ । बैंकबाट कर्जा लिँदा ११.०३ देखि १४.०३ प्रतिशतसम्म ब्याज तिर्नुपर्ने छ ।बैंकबाट सवारी कर्जा लिँदा १३.०३ प्रतिशत ब्याज लाग्ने छ भने घर कर्जा लिँदा १४.०३ प्रतिशत ब्याज तिर्नुपर्ने छ ।
७) एभरेस्ट बैंक
यो बैंकको साउन मसान्तसम्मको आधारदर ७.४८ प्रतिशत रहेको छ । बैंक बाट कर्जा लिँदा १२.४८ प्रतिशतसम्म ब्याज तिर्नुपर्ने छ । बैंकबाट हाउजिङ, भेहिकल ऋण लिँदा १२.४८ प्रतिशत ब्याज तिर्नुपर्ने छ ।