शनिबार, बैशाख १५ २०८१
शनिबार, बैशाख १५ २०८१
मध्यान्ह
काठमाण्डौ – गायक पुजन लोहागन र गायिका अनुपमा प्रधानले शनिबार काठमाण्डौमा सम्पन्न २० औँ टुवोर्ग ईमेज अवार्डमा उत्कृष्ट युगल गायनको अवार्ड प्राप्त गरेका छन् । पुजन सिक्किममा जन्मिएका हुन् भने अनुपमा दार्जीलिङमा जन्मिएकी हुन् । सांगीतिक क्षेत्रका चर्चित यो जोडी रियल लाईफमा पनि श्रीमान– श्रीमती हुन्, चर्चित र पुराना सांगीतिक जोडी उदय– मनिला सोताङलाई श्रोता दर्शकहरुले रुचाएको जोडीको रुपमा जसरी लिने गर्दछन् त्यसै गरी यि गायन क्षेत्रका उदाहरणिय जोडीलाई पनि आम दर्शक श्रोताहरुले लिने गरेको पाईन्छ ।
भारतीय भुमिमा आफ्नो जन्म र कर्म थलो बनाएका युगल गायक जोडीले नेपाली सुगम संगीत “हावा घरैमा” बोलको गीतबाट ईमेज अवार्ड प्राप्त गरेका हुन् । थुप्रै चर्चित गीतहरु बजारमा ल्याई सकेका गायक जोडीले पूर्वोत्तर भारतमा ठुलो चर्चा बटुली सकेका छन् ।
नेपाली गीत संगीतको क्षेत्रमा काम गर्ने स्रष्टा र सर्जकहरुलाई सम्मान गर्ने उदेश्यले आयोजना गरिदै आएको ईमेज अवार्डमा भारतबाट नेपाल आएर अवार्ड थाप्दै गर्दा आफ्नो खुसीको सिमानै नरहेको अनुपमा बताउछिन् । उदय सोताङ् र मनिला सोताङ पछि पछिल्लो दिनहरुमा युगल जोडीको रुपमा चिनिन थालेका पुजन र अनुपमा, दुवै श्रीमान श्रीमती पनि हुन् । युगल गायक जोडीको रुपमा पनि सांगीतीक दुनियामा यिनिहरुलाई उदाहरणिय रुपमा लिने गरिन्छ ।
पुजन– अनुपमाको भिडियो अन्तर्वाता केही दिन पछि प्रशारण गर्ने छौं ।
