काठमाडौं । देशैभर पछिल्लो २४ घण्टामा ११ सय ७२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले बुधबारको नियमित प्रेस ब्रिफिङमार्फत उल्लेखित संख्यामा कोरोना पुष्टि भएको जानकारी दिएका हुन् । जसअनुसार हालसम्म कोरोना संक्रमितको कुल संख्या ६७ हजार ८०७ पुगेको छ ।
त्यसैगरी २४ घण्टामा १८ सय ९३ जनाले कोरोना जितेर डिस्चार्ज भएको मन्त्रालयले सार्वजनिक गरेको विवरणमा उल्लेख गरिएको छ । योसँगै नेपालमा कोरोना जित्नेको संख्या ४९ हजार ९५४४ पुगेको छ डा. गौतमले जानकारी दिए ।
अहिले देशभर १७ हजार ४१४ जना संक्रिय संक्रमित रहेका छन् । संस्थागत आइसोलेसनमा हुनेको संख्या ८ हजार २२८ पुगेको छ । अहिले क्वारेन्टाइनमा ७ हजार १०४ जना रहेका छन् ।
त्यस्तै डा. गौतमले बुधबार सात जनाले कोरोना संक्रमणका कारण ज्यान गुमाएको बताए । उनकाअनुसार योसँगै देशभर कोरोना संक्रमणले मृत्यु हुनेको संख्या ४३६ पुगेको छ।