मंगलबार, बैशाख १८ २०८१
मंगलबार, बैशाख १८ २०८१
मध्यान्तर
विभेदकाे खाेल ओढ्दै धज्जी उडाउँछन्,
आफूलाई नै नङ्ग्याउँदै गाडी गुडाउँछन् ।
जहिले गुनगान गाउँछ हरक्षण उहाँ वादकाे,
कहिले संरक्षण अभियान उभेनाै तँ साथकाे ।
उदाहरण बन्छ यहाँ उहाँ जस्तै नमुना हुनु,
जहाँ कसले सक्छ उहाँलाई त्यहाँ गई छुनु ।
उपदेश सुन्छु उहाँको जहिले सत्सङ्गत गर,
उहाँलाई पाउन जति सक्दाे आफू तल झर ।
सकेन खै कसैले आफैंलाई वास्तविक चिन्न,
छुट्टै पहिचान बनाउँछु भन्दा आफ्नैले दिन्न ।
गर्छन् प्रचार तँले अक्षर पढ्दा पाप पाे लाग्छ,
शैक्षिक चेतना नभए पछि क्रान्ति कहाँ जाग्छ ।
कैयौं तँका हुन्छन् सल्लाहकार जहाँ उहाँहरू,
मै हुँ भन्दै गल्ती गर्छ त्यहाँ चेत कसरी भरू ।
चर्चा कैयौं तँ माझ एउटा उहाँ नै काफि छ,
त्यसैले उहाँ जताततै राज गर्न सबै हावि छ ।
आफ्नाे अस्तित्व समाप्त पार्न जानिजानि दियाै,
आफैँले विविधता भेषभुषा समाप्त पारी लियाै ।
हरेक ठाउँ राज्य शासन गर्ने छन् उहाँ भनाउँदा,
आफैँ जुधि गल्ती गर्याै नेता उहाँलाई बनाउँदा ।
जब पहिचानका लागि जुटाैँ भन्दा हुन्न खै के के,
तब मालिक आफैँ बनाैँ भन्दा भन्छाै उहाँलाई दे दे ।।
