माैलिक पहिचान बहुल जात,धर्म,
भाषा र संस्कार फलेको,
आपसी मैत्रीपूर्ण सद्भाव छर्दै सारा
विश्वमा चम्किदै बलेको ।
सेवा नै धर्म हाे भन्ने मुल मन्त्र
शिराेधार्य गरी पालना गर्ने,
अपार सुन्दर शान्त विशाल छाती भरी
माया र ममता भर्ने ।
सयाैँ जात, भाषा,धर्म र संस्कृति
सर्वाेपरि ठानि एक मान्ने,
एक समाजमा दुःख पर्दा अर्काे
समाजले सहयाेग गर्न जान्ने ।
हिमाल पहाड तराई जहाँ आपत परे नि
सहयाेग गर्न जुट्ने,
मातृभूमिमाथि धावा बाेले वीर याेद्धा
बनी लड्न कुद्ने ।
खुशी साट्दै आपसी हात समाइ
पञ्चेबाजा बजाई रमाउने,
विदेशी माेह त्यागी आफ्नै उर्वर
भूमिमा पसिना बगाई कमाउने ।
थरिथरि जात विशेषका माैलिक
पहिचान दिदै भेषभुषा लाउने,
जीवनका सारा दुःख पीरलाई सङ्गाल्दै
लाेकभाकामा गाउने ।
बुधबार, बैशाख १९ २०८१
मध्यान्तर
